Каспий өңірі «Болашақ» колледжінде тәрбие жұмысының жоспарына сәйкес студенттің өзін-өзі басқару ұйымы экология және еңбек фракциясы пластик қақпақтарды және бөтелкелерді сұрыптап, арнайы жәшіктерге жинап, «Таза Қазақстан» эко акциясына өз үлестерін қосуды бастап кетті.  
«Таза Қазақстан» экологиялық акциясы — бұл еліміздегі экологиялық ахуалды жақсарту және табиғатты қорғау мақсатында жүргізілетін маңызды бастама. Бұл акцияның аясында пластик қақпақтар мен бөтелкелерді сұрыптап жинау, қайта өңдеу және экологиялық таза орта құру басты мақсат болып есептеледі.
Акцияның мақсаты:
1.    Пластик қалдықтарын азайту: Пластик қақпақтар мен бөтелкелердің дұрыс сұрыпталуы олардың қайта өңделуін қамтамасыз етеді, сол арқылы табиғатқа зиян келтіретін қалдықтардың саны азаяды.
2.    Қоғамды экологиялық жауапкершілікке тәрбиелеу: Халықты пластик қалдықтарын дұрыс сұрыптауға шақырып, экологияға деген жауапкершілікті арттыру.
3.    Қайта өңдеу саласын дамыту: Пластик материалдарды қайта өңдеу арқылы ресурстарды үнемдеп, экологиялық таза өнімдер шығару.
4.    Табиғатты қорғау: Пластик қалдықтарының табиғатқа, су мен топыраққа зиянды әсерін болдырмау.
Акцияға әрбір азамат қатысып, пластик қақпақтар мен бөтелкелерді арнайы контейнерлерге тастай отырып, қоршаған ортаны таза ұстауға өз үлесін қоса алады.