Каспий өңірі «Болашақ» колледжінде  «Біз жемқорлыққа қарсымыз» апталығы аясында іс-шаралар ұйымдастырылды.

Каспий өңірі “Болашақ” колледжінің  оқу залында «Жемқорлық індет!» тақырыбында кітап көрмесі ұйымдастырылды.

Көрменің мақсаты: Жемқорлықтың  пайда болу себептерін және қоғамға келтірілген зиянын  түсіндіру  арқылы сыбайлас жемқорлыққа теріс көзқарасты қалыптастыру. Ар-намыс пен адалдықтың, беделдің және сыбайлас жемқорлыққа қарсы күрестің маңыздылығын сезіну.

Қөрмеге  Қазақстандағы сыбайлас жемқорлық деңгейі, сыбайлас жемқорлықтың салдары, сыбайлас жемқорлықтың қоғам өмірінің түрлі салаларына тигізетін кері әсері туралы  айтылған басылым беттеріндегі материалдар, ҚР заңдары  және  әдеби кітаптар  қойылды. Сонымен қатар, адалдық, парасаттылық, әділдік туралы презентация көрсетілді. Көрмені кітапхана меңгерушісі Г.Б.Капаева жүргізді. Көрме соңы колледж музейіне саяхатпен аяқталды. Қатысушылар: П-23с/о тобы және кураторы М.С.Джаубаева.

Каспий өңірі “Болашақ” колледжінде “Сыбайлас жемқорлыққа қарсы дүниетанымды қалыптастыру” тақырыбында  ПиМНО-23с/о тобында  Г.Б.Джакаева  тәрбие сағаты өткізді. Тәрбие сағаты соңы педагог-психолог Г.К.Көшербаеваның тренингімен аяқталды. Студенттер пара беруші де, пара алушы да заңмен жазаланатынын тағы бір мәрте түсінді.

“Біз жемқорлыққа қарсымыз” апталығының іс шаралар жоспарына сәйкес “Жемқорлық індет, жою міндет” тақырыбында челлендж өткізілді.ПО-23/2 тобы. Куратор: П.А.Оралбай

Каспий өңірі “Болашақ” колледжінде “Жемқорлықсыз қоғамға қадам” тақырыбында, НОО-21, Пимно-22-3 с/о топтарына пікірсайыс өткізілді.

Пікірсайыс 4-кезең бойынша жүргізілді:

1. “Жемқорлықтың зардабы” тақырыбында постер қорғау;

2. Жағдаяттық тапсырмаларды шешу;

3. “Ой жалғау” әдісі арқылы мақал-мәтелдердің жалғасын табу;

4. “Сыбайлас жемқорлықты қоғамда жою мүмкін” және “Сыбайлас жемқорлықты қоғамда жою мүмкін емес” тақырыптарында пікірталас.

Каспий  өңірі «Болашақ» колледжінде «Біз жемқорлыққа қарсымыз!» апталығы аясында «Білім беру жүйесінде сыбайлас жемқорлыққа қарсы дүниетанымды дамыту» атты дөңгелек үстелге А-23-1, А-23-2 топтары қатысты. Дөңгелек үстелді құқық пәнінің оқытушысы Д.Т.Узакбаева жүргізді.  Қоғамның әртүрлі орталарындағы сыбайлас жемқорлықтың алдын – алу, профилактикалық жұмыстарын насихаттау, сыбайлас жемқорлыққа қарсы күрес туралы заңдарды негізге алу, құқықтық мағлұмат беру, адамгершілікке тәрбиелеу бағытында өткізілген бұл шара соңында студенттер өз ойларын айтып, пікір білдірді.

Жасөспірімдерді сыбайлас жемқорлыққа қарсы мәдениетке тәрбиелеу мақсатында осындай ұйымдастырылған шаралардың маңызы зор. Өйткені, жастар біздің болашағымыз.

Сыбайлас жемқорлық заман ағысымен бірге өсіп-өркендеп,бүгінгі күнге дейін жойылмай келе жатқан кеселдің бірі десек те болады.Елімізде осы мәселеге арнайы қабылданған заң  ҚР “Сыбайлас жемқорлыққа қарсы іс-қимылдар туралы” Заңы студенттерге  таныстырылды.Заңның қолданыстағы мақсаттары мен міндеттері түсіндіріліп,сыбайлас жемқорлық іс-қимылдары туралы жауапкершілік пен жаза туралы айтылды.Сыбайлас жемқорлықпен күресті өзімізден,айналамыздан бастап,нәтижеге қол жеткізуге,жемқорлықпен аянбай күресу-әрбір азаматтың парызы екені түсіндірілді.

Каспий өңірі «Болашақ» колледжінің педагогикалық  ұжымын  ҚР «Сыбайлас жемқорлыққа қарсы іс- қимыл туралы» Заңымен мамандар бөлімінің инспекторы Ш.А.Конарбаева таныстырып өтті. Сыбайлас жемқорлық арқылы мәселелерді шешуден  және  пара беру мен  пара қабылдаудан бас тартып,  Мемлекеттің барлық заңдарын сақтап,  сыбайлас жемқорлық туралы болған жайттарды хабарлай отыра  біз елдегі жемқорлық деңгейін азайта алатынымыз түсіндірілді.

Каспий өңірі «Болашақ» колледжінде  студенттер  арасында Маңғыстау  облыстық  мәслихат  жанындағы  тұрақты комиссия төрағасы А.А.Қонарбаевпен кездесу ұйымдастырылды. Кездесу барысында пікірталас адалдық алаңы  тақырыбында өрбіді. Ұлттық, адами құндылықтарға негізделген «Біртұтас тәрбие бағдарламасы» талқыланды. Тәрбие құндылықтары - «Ұлттық мүдде», «Ар-ұят», «Талап» мағынасы ашылып, насихатталды. Ұлы тұлғалардың өмірі мен еңбек жолынан мысалдар келтіріліп, колледж табалдырығын аттаған жас буын өкілдеріне тағылымды әңгімелер айтылды. Маңғыстауға белгілі журналист, ақын А.А.Қонарбаев қазақ боксының негізін қалаушы, қазақтың біртуар ұлы, Ұлы Отан соғысының ардагері Шоқыр Бөлтекұлына арнаған кітабын колледжге тарту етті. Алдағы уақытта «Оқуға құштар колледж» акциясы аясында бұл туынды оқырман студенттерімізге кеңінен танылып, насихатталатынына сенім білдіреміз.