"Көңілді мәре"
Каспий өңірі «Болашақ» колледжінде ұстаздар күніне орай колледж әкімшілігі мен педагогикалық ұжымы арасында көңілді мәре ұйымдастырылды. Дене тәрбиесі мен спортты бұқаралық сипатта дамыту, колледж оқытушыларының дене қабілетін арттыру, салауатты өмір салтын насихаттау, достық, ынтымақтастық байланыстарын нығайту мақсатында ұйымдастырылған шараға 4 команда қатысты. Барлық команда эмблемасын қорғап, 6 кезең бойынша бақ сынасты. Бас жүлдені «Дара» тобы, І орынды «Қаһарман» тобы, ІІ орынды «Болашақ» тобы, ІІІ орынды «Феникс» тобы иеленді. Командалар кубокпен, дипломдар және сыйлықтармен марапатталды. Шараны ұйымдастырған тәрбие бөліміне, дене тәрбиесінің жетекшісі мен оқытушыларына алғыс айтамыз.
