«Қазпошта» АҚ Маңғыстау облыстық филиалында күй
Каспий өңірі «Болашақ» колледжінің өнерлі студенттері Қартбай Азамат пен Нұрланқызы Замира «Қазпошта» АҚ Маңғыстау облыстық филиалының 30 жылдығына арналған ашық есік күнінде қазақтың қара домбырасынан күй төгілтіп, қатысушылардың ықыласына бөленді. Қазпошта ардагерлеріне арналып ашылған тақтадан жастардың еңбек етуге деген қызығушылығы оянып, тағылымды әңгімелерден ардагерлерге деген құрметі, сүйіспеншілігі арта түсті. Газет-журналдарға жазылушы күнінен алған әсерлері көп болды, өйткені ғаламтор, әлеуметтік желіге санасы уланған жастарымыздың баспасөзге деген жазылушылардың ұмтылысын көріп, сабақ алды. Шара керемет деңгейде өтті. Халыққа аянбай қызмет көрсететін іргелі серіктес мекемелеріміздің бірі «Қазпошта» АҚ Маңғыстау облыстық филиалымен ынтымақтастығымыз әрқашанда жалғасын таба береді деген сенімдеміз.
